Låtane på dette albumet er laga til musikalen Himmel under hav, Songar frå Underwater Bar. Planen er at musikalen etterkvart skal bli ferdig utvikla og framført i ei full scenisk oppsetjing. Verket kan også bli framført som konsert.
Scenen Handlinga utspelar seg på botnen av Nordsjøen i Underwater Bar. Songane og samtalane i baren tek opp mange av dei store spørsmåla i livet: Det gode og det vonde, krig, fattigdom og rettferd, økonomi, klima, emigrasjon og teknologi. Det vert sunge om sorg, sjukdom og død. Men midt i alle dei vanskelege emna kling det også songar om varme, håp og kjærleik.
Under Havbotnen i Nordsjøen, Norskehavet, Skagerak og Den engelske kanal speglar på mange måtar det norske og dei nordiske samfunna. Noreg og andre land har i uminnelege tider levd av fiske frå desse farvatna. Havområdet har også vore viktig for samferdsle i Norden og andre europeiske land og til dei oversjøiske kontinenta. Dei siste 50 åra har olje- og gassutvinninga i Nordsjøen vore viktig for norsk og britisk økonomi. I Nordsjøen ligg det røyrgater som fraktar olje og gass til kontinentet. I tillegg er det ei rekkje straum- og telekablar på botnen av Nordsjøen som er med på å knyte landa våre saman. Nordsjøen har også vore viktig militært, og mange krigar har vore ført oppå og under overflata. Tusenvis har mista livet i slag under første og andre verdskrig. Det har vore ei rekkje sivile fly- og helikopter ulykker og båtforlis i tillegg til tragiske hendingar i samband med oljeindustrien. Mange har mista livet i plattformulykker og ved dykking. I alle hav gjennom alle tider er det unge, tapre menneske med stort mot som har gått under.
Prosessen Ragnar Bjerkreim har hatt ideen til Himmel under hav, Songar frå Underwater Bar sidan 2001, men det var først i juli 2017 at arbeidet starta. I 2017, 2018 og 2019 har eg arbeidd med grunnidé, funne bakgrunnsstoff, komponert musikk og laga utkast til songtekstane. Sidan sommaren 2017 har Ingvar Hovland vore med som songtekstforfattar.
Sesjonen din har nå utløpt. Vennligst klikk "OK" for å oppdatere siden og unngå tap av eventuelle ikke-lagrede data. Dersom du var logget inn, må du nå logge inn på nytt.